ကဗျာ၁၃

သီတင်းကျွတ်အခါတော်
---------------------------
ရှေ့ရေးကိုတွေးသလို
နောက်ရေးကိုပြန်ကြည့်နေရတဲ့အရွယ်
ဘ၀ကကျောမလုံစရာတွေနဲ့မို့
ခေါင်းငုံ့ပြီးလမ်းလျှောက်နေရတယ်
မပျော်ပါဘူး
သီတင်းကျွတ်ရောက်တိုင်း
လေးလံနေတဲ့ငါ့စိတ်တွေ
ကောင်းကင်မှာ အုံ့ဆိုင်းနေတဲ့မုတ်သုန်လက်ကျန်တွေလို
ဒီတသက်ရွာဖြစ်ပါ့မလား
မကြာခင်နှင်းတွေကျလာတဲ့အခါ
ဒီအနာ အရင်လိုလွယ်လွယ်နဲ့ကျက်နိုင်ပါ့မလား
ငေးမိငေးရာငေးနေတဲ့မျက်လုံးထဲမှာ
ဘယ်သူများ ငါ့ပုခုံးပေါ်မှေးစက်မှာလဲ တဲ့
ခုလိုသီတင်းကျွတ်ရာသီဆို
အထီးကျန်မှုက ပိုပြီးပီပြင်လာတယ်တဲ့
မီးမလင်းနိုင်တဲ့ ရောင်စုံမီးပုံးလေးကပြောပါတယ်။  ။

ကဗျာ ၁၂

ငြိမ်းချမ်းရေးသို့
-----------------
သို့
ငြိမ်းချမ်းရေး
ခင်ဗျာမှာ အရောင်အဆင်းနဲ့ အနံ့အရသာရှိပါသလား
ခင်ဗျားအကြိုက်ဆုံးက ဘာအစားစာလဲ
ခင်ဗျားကိုယ်အလေးချိန်ကဘယ်လောက်ရှိလဲ
ခင်ဗျားရဲ့အားလပ်ချိန်တွေမှာ ဘာလုပ်လဲ။

သို့
ငြိမ်းချမ်းရေး
ခင်ဗျားခုဘယရောက်နေလဲ
လန်ဒန်မှာလား
ဘာလင်မှာလား
ပဲရစ်မှာလား
ခင်ဗျားကိုတွေ့ဖို့လူတွေလိုက်ရှာနေကြတယ်။

သို့
ငြိမ်းချမ်းရေး
ခင်ဗျားအကြောင်းကိုပြောရင်
သူတောင်းစားတောင် လူရာဝင်သတဲ့
ခင်ဗျားအကြောင်းပြောသူတွေထဲမှာ
အင်တာနေရှင်နယ် သူတောင်းစားတွေရဲ့အသံကအကျယ်လောင်ဆုံးပဲ။

သို့
ငြိမ်းချမ်းရေး
ခင်ဗျားအကြောင်းကို တချို့ကပါးစပ်ကမချဘူး
စီးပွားတက်ဂါထာလိုရွတ်နေကြတယ်
ကုန်ကုန်ပြောရရင်
လေလည်တာတောင် ဘူ လို့အသံမထွက်ရဘူးတဲ့
ငြိမ်းချမ်းရေးလို့အသံထွက်ရမယ်တဲ့။

သို့
ငြိမ်းချမ်းရေး
ခင်ဗျားအကြောင်းကိုသတင်းစာထဲမှာဖတ်ရတဲ့အခါ
တချို့က အစားအစာနဲ့ အ၀တ်အထည်တဲ့
တချို့က နေစရာ အိမ်တဲ့
တချို့က အလုပ်အကိုင်အခွင့်လမ်းတဲ့
တချို့က အပစ်ခတ်ရပ်စဲရေးတဲ့
ခင်ဗျားရဲ့ တိကျတဲ့အဓိပ္ပါယ်ကဘာလဲ။

သို့
ငြိမ်းချမ်းရေး
ခင်ဗျားကို အမေရိကန်တွေက ဒုံးခွင်းဒုံးတွေ
နျူကလီယားဗုံးတွေ နဲ့တွေးခေါ်တယ်
အာရပ်ကမ္ဘာက ရေနံနဲ့တွေးခေါ်တယ်
အရှေ့အလယ်ပိုင်းက အကြမ်းဖက်မှုတွေနဲ့တွေးခေါ်တယ်
မြန်မာနိုင်ငံက အခြေခံဥပဒေ ပြင်ဆင်ရေးနဲ့တွေးခေါ်တယ်
လူတွေက ကိုယ့်မှာဘာရှိတယ်ဆိုတာကိုမေ့နေတတ်ကြတယ်
ခင်ဗျားကို နှလုံးသားနဲ့တွေးခေါ်ရမယ်ဆိုတာ မသိကြဘူး။

သို့
ငြိမ်းချမ်းရေး
ခင်ဗျား မြန်မာနိုင်ငံကိုလာမယ်ဆိုကြိုပြောပါ
ဘယ်လမ်းကလာမှာလဲ
ပြည်တွင်းစစ် အပစ်ခတ်ရပ်စဲရေးကတဆင့်လာမှာလား
ဆင်းရမွဲတေမှုကတဆင့်လာမှာလား
ဒေသတွင်းအောက်ကျနောက်ကျမှုကနေလာမှာလား
အိမ်နီးချင်းနိုင်ငံကြီးရဲ့ ခြိမ်းခြောက်မှုကနေလာမှာလား
ဘယ်လမ်းကလာလာ
ခင်ဗျာလာရင်ကျွန်တော်တို့ ပျော်နေမယ်ဆိုတာတော့ အလေးအနက်ဖော်ပြပါရစေ။  ။


(မှတ်ချက် ) စိတ်ထဲရှိတာကိုရေးချင်သလိုရေးသည်။ 

လင်းထက်ဦး။ 

ကဗျာ-၁၁

နှင်းဆီရောင်သီချင်း
---------------------------------

မင်းလမ်းလျှောက်လာပုံလေးကလှတယ်
အဲဒိဘတ်စ်ကားမှတ်တိုင်ကနေ
ငါ့နှလုံးသားထဲထိရောက်အောင်ဆက်လျှောက်သွားပါ မနှင်းဆီ ။

မင်းရဲ့ ဆံပင်
မင်းရဲ့ အပြင်အဆင်
ဘာမှလိမ်းချယ်မထားပဲ ရိုးရိုးလေးကိုက ရူးချင်စရာ ။

လှည့်မကြည့်နဲ့
လှည့်မကြည့်ပါနဲ့ မနှင်းဆီ
မင်းမျက်လုံးဆုံရင်
ငါ့ဝိညာဉ်လေးတုံခါနေရော့မယ် ။

ကားမှတ်တိုင်မှာ
မလာသေးတဲ့ကားကိုစောင့်နေတာလား
မလာသေးတဲ့ တစ်ယောက်ကိုစောင့်နေတာလား
မင်းမျက်လုံးလေးက တစ်နေရာကို ငေးနေသလိုလို
မင်းနှုတ်ခမ်းလေးက တစ်ခုခုကိုတွေးနေသလိုလို
ငါက အဲဒိ နှုတ်ခမ်းလေးကိုတွေးနေမိသူပါ ။

ခေတ်အဆက်ဆက်
ပန်းတို့ပွင့်တဲ့ရာသီဟာ အေးမြလျှက်ပါပဲ
အောင်မြင် ကျော်ကြားတဲ့ သီချင်းကို ငါထပ်ဆိုမယ်
ချစ်တယ် မနှင်းဆီ . . . . ။ ။

မင်းချစ်ဦး (၈-၉-၂၀၁၃)

ကဗျာ-၁၀

မိုးတိမ်အမှတ် ၃၀
--------------------
နေ.ခင်းဘက်မှာ ငါဟာ ငါနဲ.ဝေးကွာခဲ.
ညဘက်မှာ ငါဟာငါ.ကိုအိမ်မက်မက်တယ်
နေ.တိုင်း ငါဟာ ငါ.ဆီကို စာရေးတယ်
မြို.ထဲမှာ
ဘတ်စ်ကားပေါ်မှာ
လူတွေကြားမှာ
ငါဟာ ငါ.ကိုငါလိုက်ရှာတယ်
ငါဟာ
လမ်းမပေါ်က ဆန္ဒပြနေတဲ. လူတွေကြားမှလား
လက်ဖက်ရည်ဆိုင်ထဲမှာလား
စာအုပ်မိတ်ဆက်ပွဲမှာလား
အဆင်.မြင်.ကုန်တိုက်ကြီးထဲမှာလား
အဖေ.ရဲ. လယ်ကွင်းထဲမှာလား
ငါဟာ ငါနဲ. အဆက်သွယ်ပြတ်တောက်နေခဲ.တယ်
ငါဟာ ငါ.ဆီကိုဖုန်းဆက်တယ်
ဖုန်းထဲမှာ ပြန်ဖြေတဲ.အသံဟာ ငါ.အသံမဟုတ်ဘူး
သူတို.ငါ.ကိုလူမှားနှတ်ဆက်တဲ.အခါ ငါဟာကြေကွဲရတယ်
ငါမသိတဲ.ငါ.အကြောင်းတွေ သူတို.ပြောတဲ.အခါ ငါ နှုတ်ဆိတ်ရတယ်
ငါဟာ ခုနှစ်တွေကို ပြန်တူးဖော်ကြည်.တယ်
၁၉၉၈ ကငါလား
၁၉၉၉ ကငါလား
၂၀၀၀ ကငါလား
၂၀၀၁ ကငါလား
၂၀၀၂ ကငါလား
၂၀၀၃ ကငါလား
၂၀၀၄ ကငါလား
၂၀၀၅ ကငါလား
၂၀၀၆ ကငါလား
၂၀၀၇ ကငါလား
၂၀၀၈ ကငါလား
၂၀၀၉ ကငါလား
၂၀၁၀ ကငါလား
၂၀၁၁ ကငါလား
၂၀၁၂ ကငါလား
ဘယ်အရာမှမသေချာဘူး
ငါဟာ ငါလား အခြားတစ်ယောက်သော ငါလား
ငါဟာ ငါ.ရဲ.ဟိုးအနက်ရှိုင်းဆုံးထဲကလာတဲ.ငါလား
ဒါမှမဟုတ် ငါ.ရဲ.အပေါ်ရံအရေဖျားကလာတဲ.ငါလား
ငါဟာ အဲသလိုတည်ဆောက်ခဲ.တယ်
ငါဟာ အဲ.သလိုရှင်သန်ခဲ.တယ်
ပြီးတော.
ငါဟာ အဲသလိုပျောက်ဆုံးခဲ.တာပဲ
အားလုံးဟာ အတူတူပဲလို.မပြောကြပါနဲ.
ဒါဟာ
ရူးသွပ်နေတဲ. စိတ်ကူးယဉ်သမားတစ်ယောက်ရဲ.ဖြေင်.ချက်မဟုတ်ဘူး
ဒါဟာ
မြို.တော်တစ်ခုက ဖူးပွင်.နေတဲ. အလင်းပွင်.တစ်ခုရဲ.အကြောင်း။  ။ 



မင်းချစ်ဦး   ၂၅-၈ ၂၀၁၃

ကဗျာ-၉

ပ၀တ္တိနေရောင်အောက်မှာ
--------------------------------

ငါဟာ တစ်ခန်းဝင် တစ်ခန်းထွက်လှည့်ပတ်သွားလာနေ
အခန်းတိုင်းမှာ နာကျင်ခြင်းအပြည့်
တံခါးပါက်တိုင်းမှာ မေခွန်းတွေ စောင့်ဆိုင်းနေတယ်
ကလေးတစ်ယောက်လိုငိုကြွေးဖို့
အနှစ်နှစ်ဆယ်နာက်ကျခဲ့ပြီတဲ့လား
အတိတ် ပစ္စပ္ပုန် အနာဂတ်
ဘ၀ကိုချိတ်ဆက်ထားတဲ့ ကွင်းဆက်တွေ
ဖြစ်နိုင်မယ်ဆိုရင်
အဲဒိအတိတ်တွေကို တံတွေးလိုထွေထုတ်ပစ်ချင်တယ်
ငါဟာ ငါမဟုတ်ခဲ့ဘူး
ငါဟာ လေတိုက်တိုင်းယိမ်းနွဲ့ခဲ့တဲ့ သစ်ပင်တစ်ပင်
နေ.ရက်တို့
ငါ့မျှော်လင့်ခြင်းခံတပ်တွေတစ်ခုပြီးတစ်ခုသိမ်းပိုက်ပြီးတဲ့နောက်
ငါဟာ အပေါ်ယံအတိုင်းလျှောက်သွားနေခဲ့တာကြာပြီ
ဘယ်တော့လဲ
ဘယ်တော့လဲ
ငါဟာ မေခွန်းတွေနဲ့တည်ဆောက်ထားသလိုလို
နေရောင်တစ်ခုမှ နေရောင်တစ်ခုသို့ အကူး
ညတွေအဲဒိလို မှောင်မည်းခဲ့ပါတယ်။ ။

မင်းချစ်ဦး ။ ။ (၂-၉-၂၀၁၃)

အက်ဆေး

           

       ချစ်ခြင်းမေတ္တာရဲ့ အနီး အဝေးမှာ
              ---------------------------------------------

  ကျွန်တော်တို.ရဲ့အိမ်တွေမှာ အမျိုးသမီးတွေက ပဲ့ကိုင်ရှင်ပါ။  သူတို့ကပဲ အိမ်ကို စီမံခန့်ခွဲတယ်။ သူတို့ကပဲ အိမ်ကိုထိန်းချုပ်ပါတယ်။  ကျွန်တော်တို့ဟာ သက်ဆိုင်ရာနယ်ပယ်တွေမှာ အရေးပါ အရာ ရောက်တဲ့သူတွေလဲဖြစ်နိုင်ပါတယ်။  ဒါပေမယ့်အိမ်ပြန်ရောက်ပြီဆိုရင်တော့ မန်နေဂျာဆိုတာတွေ  ဥက္ကဋ္ဌ ဆိုတာတွေကို အိမ်ပေါက်ဝမှာထားခဲ့ရပါတယ်။  ဒါဟာ ကျွန်တော်တို့ရဲ့ ပျော်ရွှင်မှုတွေဆီကလာတဲ့ ကန်.သတ်ချက်ဆိုလဲ ဟုတ်ပါတယ်။

             အမျီုးသမီးတွေဟာ အိမ်တွင်းမှုကိစ္စတွေမှာ " စိတ်တိုင်းကိုမကျဘူး  "  " ဒါတွေက ဒီလိုမဟုတ်ဘူး " လို.ပြောပြီးဂုဏ်ယူတတ်ကြပါတယ်။  ကျွန်တော်တို့ကလဲ ကြိမ်ဖန်များစွာ ကလေးတစ်ယောက်ရဲ့ မသိနားမလည်မှုမျိုး ခံစားရတတ်ပါတယ်။ ကျွန်တော်တို့က " ဩော် ဒါက  ဒီလိုကိုး  "   "  ဒီလိုလား  "   "အေးပါ  အေးပါ " လို့ပြောပြီး သင်ယူမှုပေါင်းများစွာ ပြုလုပ်ရပါတယ်။

နောက်ပြီး အမျီုးသမီးတွေဟာ တစ်နေ့တာရဲ့ အနားသတ်မျည်းများအထိ အိမ်တွင်းကိစ္စတွေကို စိတ်ရှည်နိုင်ကြပါတယ်။ ကျွန်တော် စာအုပ်ကို သဲကြီးမဲကြီးဖတ်နေချိန် ၊ဒါမှမဟုတ် ဂူးဂဲလ်မှာ တစ်စုံတစ်ခုကို သဲသဲမဲမဲရှာဖွေနေချိန် သူမကတော. ရှာဖွေတွေ့ရှိပြီးသားအရာတွေကို မီးပူတိုက်နေတတ်ပါတယ်။

ကျွန်တော်က သူမကိုကြည့်ပြီး " မင်းဒါတွေမလုပ်ပဲ အေးအေးဆေးဆေး မနေနိုင်ဘူးလား" လို့မေးလိုက်တိုင်း  သူမက ကျွန်တော့်ကို ထူးဆန်းဖွယ်ရာ ဂြိုလ်သားလို အမြဲကြည့်တတ်ပါတယ်။  ပြီးတော့ ပြောပါတယ်  " ကျမ မလုပ်လို.ဘယ်သူလုပ်မှာလဲ  " တဲ့။ ကျွန်တော်တို့ နှစ်ယောက်တည်းရှိတဲ့  အိမ်မှာ သူမရဲ့ မေးခွန်းဆန်တဲ့ အဖြေဟာ လိုအပ်တာထက် ကျယ်လောင်နေတယ်လို့တော့ မဆိုသာပါဘူး။  ကျွန်တော့်ရဲ့ အားနည်းချက်ကဘာဆိုတာကို ထောက်ပြလိုက်တာလဲဖြစ်နိုင်ပါ။  "နှစ်ယောက်လုပ်လို့ ဖြစ်နိုင်တာတွေချည်းပါပဲကွာ "  ဒီစကားဟာ ပြောရပါများလို့ အရာမ၀င်တော့တဲ့စကားလိုဖြစ်နေခဲ့တာကြာပါပြီ။  မီးပူတိုက်တဲ့ အခါ အိမ်နေ၀တ်တဲ့ အ၀တ်စားတွေချန်ပြီး အရေးကြီးတဲ့ အ၀တ်စားတွေကိုသာတိုက်ဖို့ပြောရသလိုပါပဲ။

လူတွေဟာ ဆင်ခြင်တုံ တရားအတိုင်းလုပ်တာမဟုတ်ဘူး၊ အတွေ့ကြုံ အတိုင်း  ခံစားချက်အတိုင်း လုပ်ကြတာလို့ ဂျာမနီကလူပြောသွားတဲ့စကားဟာ သူနဲ့ တိုက်ရိုက် အချိုးကျပါတယ်။ ဖတ်လက်စ စာအုပ်တွေ စာစောင်တွေကို ဖတ်လို့မပြီးသေးခင် စာအုပ်စင် ပေါ်ပြန်မပို့သေးပဲ လက်တကမ်းမှာထားတတ်တာကျွန်တော့် အကျင့်ပါ။ မနက်မိုးလင်းလို့ ကြည့်လိုက်ရင် စာအုပ်စင်ပေါ် အစီအရီပြန်ရောက်ကုန်တာကလဲ သူမရဲ့ ပြင်မရတဲ့  အကျင့်တစ်ခုပါ။  ဒီလိုချည်းနေ့တိုင်းဖြစ်တော့  တစ်ခါမှာ စိတ်ပေါက်ပေါက်နဲ့ အော်လိုက်မိပါတယ်။  သူမ ဘာတစ်ခွန်းမှပြန်မပြောပဲ မျက်နှာငယ်လေးနဲ့ စာအုပ်တွေကိုပြန်ထားပေးရှာတယ်။  ဒါပေမယ့် သူမ ပြန်ထားတဲ့စာအုပ်တွေဟာ ကျွန်တော်ဖတ်လက်စ စာအုပ်နဲ့ စာစောင်တော့ မဟုတ်ဘူး။ ကျွန်တော် သက်ပြင်းချရုံကလွဲပြီးဘာများတတ်နိုင်မှာလဲ။

ဒီနေ့ မနက်ခင်း သူမ အလုပ်မသွားခင် ကျွန်တော့်ကိုပြောသွားသေးတယ်။  " မောင် အလုပ်မသွားခင် အ၀တ်လျှော်စက်ထဲက အိပ်ယာခင်း အဖုံးတွေ နေလှန်းလိုက်ဦးနော် " တဲ့  ။  ကျွန်တော် အံ့`ဩစရာရှိတာကို အံ့ဩပြီးတဲ့နောက် ဘာမှ မဖြစ်သလိုနေတတ်ခဲ့တာကြာပါပြီ။  နှစ်ရက် တစ်ခါ ၊ဒါမှမဟုတ် သုံးရက်တစ်ခါ  ခြေသုတ်ဖုံတွေ လိုက်ကာတွေ အိပ်ယာခင်းအဖုံးတွေကို တူရာ တူရာစုပြီး သူမ အ၀တ်လျှော်စက်ထဲ ပစ်ထည့်တတ်တာဟာ ကျွန်တော့်ကို အံ့ဩစေတဲ့အရာတွေထဲကတစ်ခုပါ။ ကျွန်တော်က ဒါတွေ ခဏ ခဏလျှော်စရာမလိုအပ်ဘူးလို့ထင်ပါတယ်။  စိတ်လိုလက်ရ ရှိလို့ ဖြေရှင်းချက်တောင်းမိတဲ့ အခါတိုင်း သူမရဲ့ တစ်နေ့ နဲ့တစ်နေ့ မရိုးအောင်ပေးတတ်တဲ့ဖြေရှင်းချက်တွေကြောင့် ဘယ်ဟာက အစစ်အမှန်လဲဆိုတာ ကျွန်တော် မခွဲခြားတတ်တော့ဘူး။ 

တစ်ခါတစ်ရံ  ကျွန်တော်ဒီလိုတွေးနေမိတယ်။ သူမဟာ အလိုလျှောက်လည်ပတ်နေတဲ. စက်တစ်လုံးများဖြစ်နေခဲ့ပြီလား  ။

ဟင်းချက်တဲ့အခါ  ချက်နည်းပြုတ်နည်း စာအုပ်ထဲက ညွှန်းတဲ့အတိုင်း တိတိကျကျလိုက်နာဖို့  ထမင်းစားတိုင် ကျွန်တော်ပြောရပါတယ်  ။  ဥပမာ အသားငါး ချက်တဲ့အခါ  အသားငါးထဲစိမ့်ဝင်နေတဲ့ ရေတွေသန့်စင်ပြီး  အရသာရှိတဲ့ ဟင်းတစ်ခွက်ဖြစ်ဖို့ဆိုရင် စာအုပ်ကညွှန်းတဲ့အတိုင်လိုက်နာဖို့ကလွဲပြီး တခြားနည်းလမ်းမရှိပါဘူး။  သူမ ဟင်းချက်ဖို့ အသားငါးပြုတ်တဲ့အခါ  စာအုပ်ထဲမှာ ၅မိနစ်လို့ရေးထားပေမယ့်  ၂မိနစ်လောက်တော့ ခိုးဖြစ်အောင် ခိုးလိုက်သေတာပဲ။ ကျွန်တော်က အဲဒိလို မလုပ်ဖို့ပြောတဲ့အခါ  သူမရဲ့ ဆင်ခြေက "  နောက်တစ်လုပ်ရှိသေးတယ်လေ"  ဆိုတာမျီုးဖြစ်နေတတ်ပါတယ်။

ခက်တာက ကျွန်တော်ကိုယ်တိုင်ကလဲ  အခြားသော အမျီုးကောင်းသားတွေလို  ချက်ရေးပြုတ်ရေးမှာ ၀ါသနာ မပါခဲ့ဘူး။  ဒါနဲ့ ကျွန်တော်တို့ ဆိုင်မှာဝယ်စားဖို့ပြောတော့ သူမရဲ့ ရိုးရှင်းလှတဲ့အဖြေက ဒီလိုပါ  " ကျမက မောင့်ကို ကျမလက်နဲ့ ကိုယ်တိုင်ချက်ကျွေးချင်တာ  "
"  ပြီးတော့ ကျမတို့ ပိုက်ဆံစုရမယ်လေ"

နေ့ရက်တွေသာပြောင်းလဲသွားခဲ့ပေမယ့်  အဲဒိအရာတွေကတော့ အဲဒိအတိုင်းဆက်ဖြစ်နေခဲ့ပါတယ်။  ရှည်လျားတဲ့နေ့ရက်တွေအကြောင်းကို ရှည်လျားတဲ့ဝါကျတွေနဲ့ ဒိထက်မကရေးပြလို့ရပါတယ်။   ဒါပေမယ့် ဒီကိစ္စတွေဟာ သူမနဲ့ ကျွန်တော့်အကြား ကြီးမားတဲ့ ခြားနားမှုမျိုးကို မဖြစ်စေခဲ့ပါဘူး။  နီးစပ်ပြီးသားအရာတွေကို ဝေးကွာစေဖို့  ဒီအကြောင်းရာတွေက မဖန်တီးနိုင်ခဲ့ပါဘူး။   တစ်ချို့ကိစ္စတွေဖြစ်ခဲ့ပေမယ့်  ကျွန်တော်သူမ ကိုချစ်တဲ့ အချစ်ဟာ  ရီးစားစကား စပြောတဲ့နေ့ကလိုပဲ လတ်ဆတ်နေဆဲပါ။

ကျွန်တော်က အများကြီးသိထားသူတစ်ယောက်မဟုတ်ပါဘူး။    အိမ်ထောင်ရေးမှာ ဂိုးသွင်းဖို့ စိတ်လောပြီး ဖြစ်တတ်တဲ့ လူကျွံမှုမျိုးကို  တကယ့် ဘောလုံးပွဲမှာလို အတိအကျ ပြစ်ဒဏ်ဘောပေးလို့မရဘူးဆိုတာ ကျွန်တော်သိပါတယ်။   ဒီအသိကပဲ  ကျွန်တော်တို့ကို သာယာတဲ့ အိမ်ထောင်ရေးဖြစ်စေဖို့ လမ်းခင်းပေးနေတယ်လို့ ထင်ပါတယ်။

ကျွန်တော်တို့ဟာ ရှုထောင့် တစ်ခုကနေ အခြားရှုထောင့် တစ်ခုကိုပြောင်းလဲကြည့်လိုက်တဲ့အခါ ဒီလိုလဲဖြစ်နိုင်ပါတယ်။  သူမ အလုပ်သွားခါနီး လက်ဆွဲအိတ်ကို ကိုင်ရင်း  "  မောင် ကျမ သွားတော့မယ်  " ။ အပြင်ထွက်ခါနီး နှတ်ဆက်တာလို့ စကားလုံးအတိုင်း အဓိပ္ပါယ်ယူရင်မှားပါတယ်။  သူမကျွန်တော့်ဆီက တစ်ခုခုတောင်းဆိုနေတာပါ။  ကျွန်တော်တို့ အချိန်ကိုတန်ဖိုးထားရပါတယ်။  သွက်လက်တဲကခြေလှမ်းတွေနဲ့ ကျွန်တော် သူမအနားတိုးကပ်ပြီး သူမရဲ့ပါးပြင်ကို ဖွဖွလေး နမ်းရှုတ်လိုက်ပါတယ်။  သူမကလဲ ညင်သာမြတ်နိုးစွာ ပြန်နမ်းရှုတ်ပါတယ်။

ဒါဟာ ကျွန်တော်တို့ရဲ့ ပြုလုပ်နေကျ အရာတွေဆီကလာတဲ့ နှုတ်ဆက် အနမ်းလေးတွေပါ။ ဒါဟာ ကျွန်တော်တို့ရဲ့ ချစ်ခြင်းမေတ္တာပါ။  ဒါဟာ ကျွန်တော်တို့ရဲ့ ယုံကြည်ျမှုပါ။  ဒါဟာ ကျွန်တော်တို့ရဲ့ ဂတိသစ္စာလဲဖြစ်ပါတယ်။

ချစ်ခြင်းမေတ္တာမှာ အသေးဖွဲဆိုတာ မရှိပါဘူး။  ဒီနေ. အိပ်ယာကစောစောနိုးလို့ သူမအတွက် ကော်ဖီ တစ်ခွက်ဖျော်ပေးထားပါတယ် ။  သူမ ကော်ဖီသောက်တဲ့အခါ ကျွန်တော့်ရဲ့ ချစ်ခြင်းမေတ္တာတွေနဲ့ သူမ  ချီုမြိန်နေမှာပါ။   ကျွန်တော် အလုပ်ကပြန်လာတိုင်း စာပွဲပေါ်မှတွေ့ရတဲ့ ရေတစ်ခွက်ကလဲ သူမရဲ့ ချစ်ခြင်းမေတ္တာတွေနဲ့ အေးမြနေခဲ့တာပါပဲ။  အလုပ်ထဲမှာ ထမင်းစားနားချိန် ၊  ဒါမှမဟုတ် အလုပ်ကပြန်လာချိန်တွေ ကျွန်တော်သူမကို ဖုန်းဆက်လိုက်တိုင်း  သူမပျော်ရွှင်တက်ကြွနေတတ်ပါတယ်။  မပီသတဲ့ ဖုန်းသံတွေကြားကနေ ကျွန်တော့်ရဲ့ ချစ်ခြင်းမေတ္တာ ကို သူမ ခံစားနေရမှာပါ။

ကျွန်တော်တို့ဟာ ချစ်ခြင်းမေတ္တာက ဆင်းသက်လာခဲ့ကြပြီး ချစ်ခြင်းမေတ္တာရဲ့  အနီး အဝေးမှာရှင်သန်ကြရပါတယ်။  ကျမ်းမာသော ဘ၀ ၊  သန်မာသော ဘ၀ကိုရဖို.  ချစ်ခြင်းမေတ္တာဟာ အချိုးကျ စာသုံးသင့်တဲ့ ဗိတာမင်တစ်မျီုးပါ။

ကျွန်တော်တို့ တွေးခေါ် စဉ်းစားတဲ့အခါ  တကယ်အရေးကြီးတာတွေကိုမေ့နေတတ်ကြပါတယ်။  ဒါမှမဟုတ်  တခြားနည်းလမ်းနဲ့တွေးခေါ်လို့လဲ ရပါသေးတယ်။   ကျွန်တော်တို့ဟာ ချစ်ခြင်းမေတ္တာရဲ့ အနီးမှာလား  ။    အဝေးမှာလား   ။       ။



မင်းချစ်ဦး    ( ၃၀-၈-၂၀၁၃)

ကဗျာ-၈

အကြည်.
-----------

သူမရဲ.အကြည်.မှာ
နံနက်ခင်းတစ်ခုရဲ.နွေးထွေးတဲ.နေရောင်တွေပါတယ်
သူမရဲ.အကြည်.မှာ
ကလေးငယ်တစ်ယောက်ရဲ. မသိနားမလည်မှုတွေပါတယ်
သူမရဲ.အကြည်.မှာ
ရင်.မှည်.နေတဲ.စပါခင်းကြီးလဲပါတယ်
သူမရဲ.အကြည်.မှာ
ကွေ.ကောက်နေတဲ.လမ်းသေးသေးလဲပါရဲ.
သူမရဲ.အကြည်.မှာ
ကျမ်းမာရေးကောင်းတဲ. အမျိုးကောင်းသမီးတစ်ယောက်ရဲ. ဆန္ဒတွေပါတယ်
သူမရဲ.အကြည်.မှာ
အဆင်.မြင်.စူပါမားကက်ကြီးတစ်ခုလဲပါတယ်
သူမရဲ.အကြည်.မှာ
ရစ်ပတ်တွယ်နှောင်တတ်တဲ. နွယ်ပင်တွေလဲပါတယ်
သူမရဲ.အကြည်.မှာ
ပဉ္စသိင်္ခနတ်သားတောင် မတီဖူးသေးတဲ. ဂီတသံတွေပါတယ်
သူမရဲ.အကြည်.မှာ
ဂိလာနတစ်ယောက်ရဲ.မျှော်မှန်းချက်တွေပါတယ်
သူမရဲ.အကြည်.မှာ
ဝံပုလွေရိုင်းတစ်အုပ်ရဲ. ဆာလောင်နေတဲ.မျက်လုံးတွေပါတယ်
သူမရဲ.အကြည်.မှာ
ငရဲပြည်ကိုသွာတဲ. လှေခါးတက်တွေပါတယ်
သူမရဲ.အကြည်.မှာ
ဘာမဆိုလုပ်ပေးဖိုဆုံးဖြတ်ထားတဲ. မျက်လုံးတွေပါတယ်
သူမရဲ.အကြည်.မှာ
သူမ ဘယ်သူဘယ်ဝါဆိုတာဖုံးကွယ်ထားပြီး
သူမရဲ.အကြည်.မှာ
သူမကိုယ်တိုင်တော. ပါမလာခဲ.ဘူး ။ ။

မင်းချစ်ဦး ။  ။