အင်တာဗျူး -၂

အမေရိကန် အမျိုးသမီးကဗျာဆရာ ခေးရိုင်ယိုင်နှင့် တွေ့ဆုံခြင်း (၂)

April 23, 2013 at 9:23pm

မေး
ရှင့်ရဲ့ စာတွေကို ဘယ်လိုများ ပုံနှိပ်ထုတ်ဝေခဲ့သလဲ။

ဖြေ
အစပိုင်းမှာတော့ ကျမစာတွေကို အပြင်ကို ပို့ဖို့ ဘာနည်းလမ်းမှ မရှိခဲ့ဘူး။ လုံးဝ ဖရိုဖရဲနိုင်လွန်းတော့ စိတ်ပျက်လက်ပျက် ဖြစ်ခဲ့မိတယ်။ ရေးထားတဲ့ စာတွေကဗျာတွေ တောင်ပုံယာပုံရှိပြီး အဲဒါတွေကို ဘာလုပ်ရမယ်မှန်း ကျမ နှစ်နဲ့ချီပြီး မသိခဲ့ဘူး။ Carol က ကျမကို လက်တွဲခေါ်ပြီး စနစ်တကျ စုစုစည်းစည်းဖြစ်အောင် လုပ်ပေးခဲ့တယ်။ အပတ်တိုင်း ကဗျာငါးပုဒ်ကနေ ဆယ်ပုဒ်လောက်အထိ အထပ်လိုက်တွေကို နေရာ ဆယ်နေရာ ဆယ့်ငါးနေရာလောက်ကို သူက ကျမကို ပို့ခိုင်းတယ်။ ဒီလိုနဲ့ နှေးနှေးကွေးကွေးသာရှိတဲ့ ခရီးပေါက်မှုကို ဆယ်နှစ်လောက် မချိတင်ကဲ ခံစားခဲ့ကြရတယ်။ ဒါဟာ ကျမကို သည်းမခံနိုင်တဲ့အထိ သည်းခံဖို့ တွန်းအားပေးခြင်း တစ်မျိုးပဲ။ ကျမမှာ ရွေးချယ်ခွင့် မရှိဘူးလေ။ ကျမ စိတ်မရှည်ခဲ့ဘူး။ ဒါပေမယ့် ဘာဖြတ်လမ်းမှလဲ ကျမ မသိခဲ့ဘူး။ နောက်ပြီး မြန်မြန်ဆန်ဆန် ခရီးတွင်အောင် ဘယ်လိုလုပ်ရမှန်းလဲ ကျမ မသိခဲ့ဘူး။

တကယ်တော့ စာမူတွေကို အခြားကိုပို့နေတာဟာ ကျမ အလုပ်ကို နည်းနည်းလေးမှ မပြောင်းလဲစေဘူး။ ကျမ ကဗျာတွေကို ကိုယ်မသိတဲ့ သူစိမ်းတွေက ဖတ်ကြတော့မယ်လို့ သိခဲ့တဲ့အချိန်မှာ ကျမရဲ့ ကဗျာတွေကို သေချာရှင်းလင်းခဲ့တယ်။ နောက်ပြီး သူတို့တွေက စာမူတွေကို ပယ်လိုက်တဲ့ အချိန်မှာ ကျမစာတွေကို ကျမ မျက်လုံးစိမ်းနဲ့ ပြန်မြင်နိုင်ခဲ့တယ်။

မေး
ရှင် အောင်မြင်မှုကို မွတ်သိပ်ခဲ့သလား။

ဖြေ
အို အရူးအမူးပဲပေါ့။ ဒါဟာ အမှန်တော့ ကျမအနေနဲ့ Emily Dickionson မဆန်ခြင်းပါပဲ။ ဒါပေမယ့် မတတ်နိုင်ဘူး။ ဒီလိုပဲ ဖြစ်ခဲ့တယ်။ တခါတုန်းက New Yorker Magazine အယ်ဒီတာ Alice Quinn က ဖျော်ဖြေမှုပွဲတစ်ခုလား ဆွေးနွေးပွဲ လားမသိဘူး။ အဲဒီအတွက် Berkeley ကိုလာပြီး ဆွေးနွေးပွဲ တစ်ခုလုပ်မယ်ဆိုတော့ ကျမ ဆက်နွယ်မှု တစ်ခုခုတော့ လုပ်သင့်တယ်လို့ တွေးပြီး အဲဒီကိုသွားဖို့အတွက် လက်မှတ်တောင် ဝယ်ပြီးနေပြီ။ ဒါပေမယ့် မသွားဖြစ်ခဲ့ဘူး။ ကျမက တော်တော် မာနကြီးတယ်။ ကျမနဲ့ တန်းတူ ဒါမှမဟုတ် တန်းတူနီးပါး ဖြစ်တဲ့ လူတွေနဲ့လောက်ပဲ တွေ့ချင်တာ။

မေး
ရှင် စာရေးခြင်းကို အရှုံးပေးဖို့ စဉ်းစားခဲ့ဖူးလား။

ဖြေ
ကျမမှာ အရှုံးပေးစရာ ဘာမှ မရှိခဲ့ပါဘူး။ ကြည့်ရတာ ကျမက Henry Darger ပဲဖြစ်သွားတော့ မယောင်ယောင်။ ကဗျာတွေဟာ ကျမ အခန်းထဲမှာပဲ လှောင်ပိတ်မိနေခဲ့ ပါလိမ့်မယ်။ ရှုံးနိမ့်ခြင်းနဲ့ ပတ်သတ်တဲ့ ဘာသာရပ်တော်တော်များများကို ကျမ ရခဲ့တယ်။ ကျမကိုယ် ကျမ လက်ဖျားခါရလောက်တဲ့ အနှိမ်ခံ လူတစ်ယောက်လို့ တွေးမိလာတယ်။ အဲဒီအတွေးမှာ လုံခြုံစိတ်ချရမှုနဲ့ ရင်ဖိုကြည်နူးရမှု အချို့ရှိနေတယ်။

မေး
ဒါပေမယ့် ရှင့်ရဲ့ ပထမဆုံးစာအုပ်ကိုတော့ ကိုယ်တိုင် ပုံနှိပ်ထုတ်ဝေခဲ့တယ် မဟုတ်လား။

ဖြေ
တကယ်တော့ ဒါဟာ ကျမအတွက် ဘာမှ ထူးထူးခြားခြား ဖြစ်မြောက်မသွားပါဘူး။ အကယ်၍   မဂ္ဂဇင်း တစ်စောင်နှစ်စောင်လောက်က ကျမ စာတွေကို လိုချင်ခဲ့တယ်ဆိုရင်၊ ဆိုလိုတာက ကျမဟာ စိတ်ဝင်စားစာရာကောင်းတဲ့ အလုပ်တစ်ခုကို လုပ်နေတယ်လို့ သူတို့ ယုံယုံကြည်ကြည် ခံစားမိတယ်ဆိုရင် ကျမဆီကနေ ကဗျာတွေ ထပ်တောင်းပါလိမ့်မယ်။ ဒါဆိုရင်တော့ လောကနိဗ္ဗာန်ပဲပေါ့။ နောက်ပိုင်းမှာတော့ တဖြည်းဖြည်းနဲ့ အဲလိုပဲ ဖြစ်လာခဲ့တယ်။ ကျမ ကံကောင်းတယ်လို့ ဆိုနိုင်တာပေါ့။

မေး
ရှင့် အလုပ်စားပွဲမှာထိုင်ပြီး ရှင် အလုပ်တွေဘယ်လောက် ကြာကြာလုပ်လေ့ရှိလဲ။

ဖြေ
အလုပ်စားပွဲနဲ့ ခပ်ဝေးဝေးမှာပဲ ကျမ အချိန်များများနေဖြစ်တယ်။ ကိုယ်ပိုင်အချိန်တွေရဲ့ အပုံတစ်ရာပုံရင် တစ်ပုံလောက်ပဲ ကျမ စာရေးဖြစ်တယ်။ အသည်းအသန်ကြိုးစားရင် ကဗျာတွေရေးနိုင်လိမ့်လို့ လူတွေထင်ကြပုံရတယ်။ ကျမကတော့ အဲဒီလိုမျိုးတွေ စိတ်မဝင်စားဘူး။ ကျမအတွက်တော့ ကျမ စိတ်ချမ်းသာနိုင်ဖို့၊ ကျမကိုယ် ကျမ ပြည့်စုံမှုဆိုတာကို ခံစားနိုင်ဖို့ရေးခြင်းသာလျှင် အဓိပ္ပါယ်ရှိတယ်။ ကံကောင်းတဲ့ ဘဝကနေ ဘာတွေ ထုတ်ပေးနိုင်မလဲ ဆိုတာကို ကျမ သိချင်မိတယ်။ ကိုယ့်ကိုယ်ကို မညှင်းဆဲတဲ့ စိတ်ကနေ ဘယ်လိုစာပေမျိုးတွေ ထွက်လာနိုင်မလဲ။ ကျမ ဘာတွေသိဖို့ လိုအပ်သလဲ။ ကျမ စာရေးနိုင်ဖို့ ဘာကို စိတ်ပိုင်းဖြတ်ပြီး ကိုယ့်ကိုယ်ကို နှိပ်စက်ရမလဲ ဆိုတာထက် ကျမဘာလုပ်ရမလဲ။ ဒီအပင်ပေါ်မှာ ဘာရှိသလဲ။ ဆိုတာမျိုးတွေပေါ့။ ကျမအတွက် အလွန်ကို ကံကောင်းခဲ့တဲ့ ဘဝပါပဲ။

ဒါဟာ ကျမ ပျော်ရွင်စရာတွေကိုသာ ပြောနေတယ်လို့ ပြောတာမဟုတ်ဘူး။ ဘယ်လိုပြောရမလဲ။ ညှဉ်းဆိုးဆိုးပုံပေါက်နေတဲ့ ရွဲ့စောင်းနေမှု၊ တစ်ဖက်စောင်းနင်းဖြစ်နေမှုမျိုးတွေဟာ စာရေးသူတစ်ယောက်ရဲ့ စိတ်အတွက် လိုအပ်တယ်လို့ ကျမ ထင်တယ်။ ဒါပေမယ့် လူတစ်ယောက်ရဲ့ဖြစ်တည်မှုအပေါ်မှာ သောကတွေ၊ ဝန်ထုပ်ဝန်ပိုးတွေတော့ ထပ်ပေါင်းမပေးချင်တော့ဘူး။ ကျမရဲ့ စာတွေကြောင့်လဲ လူတွေကို အဲလိုမျိုး ဝန်တွေ မပိစေချင်ဘူး။ လူတွေရဲ့ ခက်ခဲပြီးသားဘဝတွေ ပိုပြီး မပင်ပန်းစေချင်သလို သူတို့စိတ်ထဲမှာ ခဲဆွဲထားသလိုမျိုး၊ လိပ်ပြာမလုံတဲ့စိတ်တွေရှိနေမှာမျိုး ဘယ်တုန်းကမှ မလိုလားခဲ့ဘူး။

မေး
ဖွင့်ဟဝန်ခံမှု ကဗျာ (confessional poetry) အမျိုးအစားတွေနဲ့ပတ်သတ်တဲ့ ပြင်းပြင်းထန်ထန် စိတ်ခံစားချက်တွေကို မရေးမိအောင် ရှင်ဘာလို့ ရှောင်ရေးလေ့ရှိတာလဲ။

ဖြေ
ရှင့် အရေပြားပေါ်မှာ ရေခဲကပ်ထားတယ်ဆိုရင် ရှင့်အသားအရောင်ဟာ ပန်းနုရောင် ပြောင်းသွားတယ်။ ခန္ဓာကိုယ်က သွေးတွေဟာ အဲဒီကို ရောက်သွားတာကိုး။ ဒါကို စာရေးခြင်းပုံစံနဲ့ တွေးမယ်ဆိုရင် အေးစက်စက် အရေးအသားတွေဟာ ကျမတို့ဆီကို နီးအောင်ဆွဲခေါ်လာတတ်တယ်။ ကျမတို့ရဲ့ အပူအပင်တွေကိုရောပေါ့။

မေး
လက်တွေ့ကမ္ဘာကြီးကို တိတိပပ သရုပ်ပုံဖော်နိုင်ဖို့ ရှင့်ရဲ့ စာတွေထဲမှာ သိပ္ပံဆိုင်ရာ အချက်အလက်တွေ သုံးလေ့ရှိသလား။

ဖြေ
အကြောင်းအရာ အချက်အလက်တွေရဲ့ အသံကို ကျမ သဘောကျပါတယ်။ ဒါပေမယ့် ဒါတွေကို ဖြစ်ရပ်မှန် အချက်အလက်တွေအနေနဲ့တော့ ကျမ သိပ်ဂရုမစိုက်ဘူးလို့ ပြောရမယ်။ သူတို့ကို အရေးအသားဖွဲ့စပ်ပုံ (texture) အနေနဲ့ပဲ ကြိုက်တယ်။ လက်တွေ့ဘဝမှာတော့ အဲဒီစကားလုံးကို ကျမ နည်းနည်းလေးတောင် စိတ်မဝင်စားပါဘူး။

မေး
အသံ အတိမ်အနက် အနေအထား (tone) ကို ရှင် ဘယ်လို ထိန်းခဲ့သလဲ။

ဖြေ
လူတွေရဲ့ ပင်ကို အသံ (tone) ၊ စေ့ဆော်သံ အနေအထား (voice) နဲ့ပတ်သတ်တဲ့ ဆွေးနွေးချက်တွေကို ကြားရတိုင်း အမြဲတမ်း စိတ်မချမ်းမသာဖြစ်မိတယ်။ သိပ်ရယ်စရာကောင်းတာပဲ။ အသံတိုင်းဟာ ဘယ်ဟာမှ သဘာဝသံ၊ ပင်ကိုသံဆိုတာ မရှိဘူး။ တစ်ခါတရံမှာ သဘာဝမကျမှုဟာ သိပ်သဘာဝကျပါတယ်။ ဆိုတော့ ဒါကို စကားထဲထည့်ပြောနေဖို့ကို မလိုပါဘူး။ ဒါ အလုပ်ဖြစ်ချင် ဖြစ်မယ်။ အလုပ်မဖြစ်ချင် မဖြစ်ဘူး။ ဒါပဲပေါ့။ ဒီ ပင်ကို၊ သဘာဝ အသံ ဆိုတဲ့ အတွေးအခေါ်ရဲ့ ကြီးစိုးမှုကို လူတွေအနေနဲ့ သိပ်ပြီး သည်းခံနေစရာမလိုဘူးလို့ ထင်တယ်။

ကျမ ပြောချင်နေခဲ့တာကို ပြောလိုက်ရလို့ စိတ်ထဲပေါ့သွားတယ်။ ကျေးဇူးပါပဲ။

မေး
Elephant Rocks ရဲ့ ဝေဖန်သုံးသပ်ချက်မှာ Andrew Frisardi က ရှင့် ကဗျာတွေဟာ "ကြည်နူးမှုနဲ့ ညွှန်ကြားပြမှု" တွေကို ပေးတယ်လို့ဆိုတယ်။ သူတို့တွေ ဘယ်လို ညွှန်ကြားနည်းပြ ကြတာမျိုးလဲ။

ဖြေ
အမိန့်ပေးတဲ့ ညွှန်ကြားတဲ့ အသံအနေအထားနဲ့ မကြာခဏ ကျမရေးလေ့ရှိတယ်။ ဒါပေမယ့် ဒီလို ညွှန်ကြားချက်တွေဟာ လူတွေကို ရေထဲနှစ်လိုက်သလိုပဲ။ ကျမဟာ အပြောအဆိုမတတ်ပဲ ဆရာလုပ်တယ်လို့ ကိုယ့်ကိုယ်ကို ပြောရမယ်။ ဆိုလိုတာက ဟုတ်တယ်။ ကျမ ဆရာလုပ်တယ်။ ဒါ ရယ်စရာပြောတာပါ။ ကျမမှာ ရော်ဘာတံဆိပ်တုံးတစ်ခု ရှိတယ်။ သူက ပြောလိမ့်မယ်။ "ငါ မင်းကို စတာပါ ကောင်လေးရာ" လို့။ အဲဒီ တံဆိပ်တုံးကို ဘယ်တုန်းကမှ မသုံးခဲ့ဘူး။ ဒါပေမယ့် အဲဒီ တံဆိပ်တုံးကို လုပ်ထားရုံနဲ့တင် ကျေနပ်အားရမှု တစ်ခုကို ကျမ ခံစားရတယ်။ ကျမလိုပဲ လိုက်လုပ်မယ့်သူတွေရှေ့မှာ ကျမ အဲလို ရော်ဘာတံဆိပ်တုံးတွေ အများကြီးထားပေးရတယ်။ ဘယ်လောက်ပဲ ကြေကွဲဝမ်းနည်းစရာ ကောင်းနေနေ၊ ဘယ်လောက်ပဲ အထီးကျန်ဆန်ပြီး မျှော်လင့်ချက်မဲ့တယ်ပဲဆိုဆို ကျမ ကဗျာတွေမှာ  ပြုံးချင်စရာ နည်းနည်းလေးတော့ ပါတယ်လို့ ရှင်တို့အမြဲတွေးမိမှာပါ။ အကယ်၍ ကျမ ကဗျာတွေဖတ်ပြီး ရှင်တို့ခံစားချက်တွေ ပိုဆိုးဝါးသွားတယ် ဆိုရင်တော့ ကျမ တာဝန်မကျေ ဖြစ်သွားတာပေါ့။

မေး
ဝေဖန်ရေးသမားတွေက ရှင့်ကဗျာတွေဟာ ကျစ်လစ်သိပ်သည်းပြီး အတိုချုံ့ပုံစံ (compression) ရှိတယ်လို့ ပြောရင် ရှင် စိတ်အနှောင့်အယှက် ဖြစ်မိလား။

ဖြေ
ဒါဟာ အတင်းပြောသလိုပဲပေါ့။ Library of Congress က တစ်စုံတစ်ယောက်က ကျမ ကဗျာတွေဟာ လွယ်လွယ်ကူကူ နားလည်နိုင်တယ်လို့ မပြောမချင်း ကျမ ကဗျာတွေအပေါ်ပေးတဲ့ ထင်မြင်ချက်တွေဟာ တဖြည်းဖြည်း လျော့လာကြတယ်။ တကယ်တော့ compression ဆိုတာ ကျမ ရေးနေတာတွေရဲ့ ဆန့်ကျင်ဘက်ပဲ။ အနုစိတ်နဲ့ ခဲယဉ်းလွန်းတဲ့ အတွက် စကားလုံးတွေကို ခပ်ဝေးဝေးဆီ လွင့်သွားအောင် သရုပ်ပြောင်ဆန်ဆန် မှုတ်ထုတ်လိုက်ပြီးမှ မြင်နိုင်တဲ့ အကွာအဝေးဆီကို ပြန်ရောက်ဖို့ ကြိုးစားရတာမျိုးကပဲ ကျမကို စိတ်ဝင်စားစေတယ်။ ကျမရဲ့ နည်းလမ်းက ဘာနဲ့တူသလဲဆိုတော့ ပိုးသားစပေါ်ကနေ အပ်ကလေးဝင်သွားဖို့ တူနဲ့ ရိုက်ထုရသလိုမျိုးပဲ။

မေး
ရှင် ကဗျာတစ်ပုဒ်ရေးဖို့ ဘယ်လောက် ကြာသလဲ။

ဖြေ
ဒါကို ဘယ်သူက ဖြေနိုင်မှာလဲ။ ကျမ မိတ်ဆွေ ပန်းချီဆရာတစ်ယောက်က ကျမကို လက်ဆေးကန်တစ်ခုရဲ့ ခဲခြစ်ပန်းချီကားတစ်ခု ပေးဖူးတယ်။ သူပြောတာကတော့ ဒီပုံကိုဆွဲဖို့ နာရီဝက်ကြာတယ်တဲ့။ ဒါပေမယ့် ဒီနာရီဝက် အတွင်းမှာ အရာအားလုံးကို တစုတစည်းတည်း ပေါင်းစပ်နိုင်ဖို့ နှစ်ပေါင်းများစွာ ကြာခဲ့တယ်လို့ ပြောတယ်။ လက်တွေ့ကျကျ ပြောရရင်တော့ ကဗျာတစ်ပုဒ်ရေးဖို့ မနက်ခင်းတစ်ခုလောက်ကိုတော့ စူးစူးစိုက်စိုက် ကျမ အသုံးပြုတတ်ပါတယ်။ ကျမအတွက်တော့ ကဗျာတစ်ပုဒ်ဟာ သိုးမွေးခြင်းထောင်းထဲမှာ ချည်တွေထည့်၊ နေ့တိုင်း နောက်ထပ် ချည်လုံးတွေထပ်ထည့်ပြီး ထိုးရတဲ့ ဇာထိုးပန်းထိုး အလုပ် မဟုတ်ဘူးရယ်။

မေး
တခါတုန်းက ရှင့်ကိုယ်ရှင် clichés တွေ ပြန်လည်တည်ထောင်သူလို့ ခေါ်ဖူးတယ်။ အဲဒါ ဘာကိုများ ဆိုလိုသလဲ။

ဖြေ
တခါတရံမှာ ကျမ clichés တွေနဲ့ပဲ စဉ်းစားနေတတ်တယ်။ အဲလိုပဲ လူသုံးမများတော့ပဲ ကာလံဒေသံမညီတဲ့ စကားလုံးတွေနဲ့ပဲ ကိုယ့်ကိုယ်ကို ကျိုးနွံအောင် ဆုံးမတတ်တယ်။ ကျမ ကဗျာရေးချင်လာရင် သူတို့ကို အရင်ဆုံးတွေးမိတယ်။ ဘာကြောင့်လဲဆိုတော့ အဲလို စကားလုံးတွေက အရမ်းတင်စားလို့ ကောင်းတယ်လေ။ ဥပမာ။ ရေပန်းစားမှု၊ ထင်ရှားကျော်ကြားမှု (limelight) ။ ဒါဟာ တကယ့် clichés မဟုတ်ဘူး။ မြတ်နိုးဖို့ကောင်းတဲ့ ဥပစာ စကား (idiom) တွေပဲ။ လျှပ်စစ်မီး မရှိခင်တုန်းက လူတွေဟာ ထုံး (calcium oxide) ကို အပူပေးတယ်။ စင်မြင့်ထက်က မီးတွေကနေ အလင်းရောင်ဖြာထွက်ဖို့။ ကျမရဲ့ ကဗျာ "Lime Light" ထဲမှာ၊ limelight ဆိုတာဟာ ထုံးအိုး ထဲကနေလာတယ်။ ဒါ ရယ်စရာပဲ။ ဒါပေမယ့် အလကားတော့ မဟုတ်ဘူး။ ပြက်လုံးတစ်ခုထက် ပိုတယ်။ ဒါဟာ ဘာလဲဆိုတော့ ထင်ရှားကျော်စောမှုဟာ သိပ်အလုပ်မဖြစ်ကြောင်းကို ပြောချင်တာ။ ဒီရေပန်းစားမှု၊ ကျော်စောမှု တစ်ခုတည်းနဲ့ အရာအားလုံး မပြီးမြောက်နိုင်ဘူးလေ။

မေး
ရှင့်ရဲ့ စာတွေကို ပြန်ဖတ် တည်းဖြတ်ဖို့ အချိန်ကြာတတ်လား။

ဖြေ
ကျမ စာတွေကို ပြန်ပြင်ရေးပါတယ်။ တစ်ပတ်ကြာရင်ဖြစ်စေ၊ တစ်လဖြစ်စေ၊ တစ်နှစ်ဖြစ်စေပေါ့။ ဒါပေမယ့် အချိန်တော့ သိပ်မကြာပါဘူး။ နည်းနည်းလေး အသစ်ထပ်ဖြည့်ရင် ဖြည့်တယ်။ ဟိုဖြတ်ဒီဖြတ်နဲ့ စာကြောင်းတွေကို ရွှေ့ရင်ရွှေ့မယ်။ ဒါမှ မဟုတ် အစားထိုးမယ်။ အများအားဖြင့်တော့ စာကြောင်းအထားအသိုနဲ့ ပတ်သတ်ပြီး ရွှေ့တာလောက်ပါပဲ။ တခါတခါမှာ အဆုံးသတ်ဖို့ နှစ်နဲ့ချီကြာတာတွေတော့ ရှိပါတယ်။

မေး
ရှင့် ရဲ့စာအုပ်တွေ ကောင်းသထက် ကောင်းလာတယ်လို့ ထင်မိလား။

ဖြေ
တိုးတက်မှု ဆိုတာဟာ ကျမအတွက် ဘာမှ မဟုတ်လှပါဘူး။ ကျမ စာအုပ်တွေ၊ စာတွေ ပိုကောင်းလာတယ်လို့ ကျမ မတွေးမိဘူး။ ကျမသွားနေကျ ရေတွင်းဆီကို ရေခပ်သောက်ဖို့ ပြန်လိုက်သွားလိုက် လုပ်နေရုံပါပဲ။

မေး
ရှင့်ရဲ့ ကဗျာတွေဟာ သေးသေးသွယ်သွယ်နဲ့ တိုတယ်လို့ လူပြောများတယ်။ ဆိုတော့ ရှင့်ကဗျာတွေ စာမျက်နှာတစ်ရွက်ထပ် ပိုရှည်လာရင် စိတ်လှုပ်ရှားသလား။

ဖြေ
တစ်ခါတရံတော့ ကျမလဲ ရေးနိုင်ပါတယ် ဆိုတဲ့အကြောင်း ပြချင်တယ်။ အကြာကြီးနေမှ တစ်ခါလောက် တစ်မျက်နှာကျော်တဲ့ ခပ်ရှည်ရှည် ကဗျာတွေ ထွက်လာတတ်တယ်။ ဒါပေမယ့် အဲဒါမျိုးတွေက ကွေ့ပတ်ပြီး လိုရာကို မြန်မြန်မရောက်ဘူးလို့ တွေးမိတယ်။ တခါတုန်းက စာကြောင်း နှစ်ရာကျော်ပါတဲ့ ကဗျာတစ်ပုဒ် ကျမအတွက် သပ်သပ်ရေးခဲ့ဖူးတယ်။ ဒါပေမယ့် အလကားပါပဲ။

မေး
စာကြောင်းတိုတိုတွေကို ဘာလို့ ရှင် ရေးလေ့ရှိတာလဲ။

ဖြေ
ကဗျာမှာ အစွန်း၊ အနားသတ် (edge) တွေဟာ အင်အားကြီးမားတဲ့ အစိတ်အပိုင်းတွေပါ။ အနားသတ်တွေ များလေလေ ပိုပြီး သြဇာကြီးမားလေပဲ။ သူတို့တွေဟာ ကဗျာကို ပိုပြီး စိမ့်ဝင်နိုင်စေပြီး၊ ပိုပြီးလဲ မြင်သာစေတယ်။

မေး
Frost ရဲ့ အရေးအသားတွေက ရှင့်အပေါ်မှာ လွှမ်းမိုးမှုရှိလား။

ဖြေ
သူက ထိတ်လန့်စရာ အမှောင်ထုရဲ့ ကိုင်တွယ်ဖြေရှင်းပုံနဲ့ ကြည်လင်ပြတ်သားပုံ အတွက် စံကို သတ်မှတ်ပေးတယ်။

မေး
Larkin ကရော။

ဖြေ
အရက်သေစာကြောင့်ဖြစ်တဲ့ ညှိုးမှိုင်းလွမ်းဆွေးပုံနဲ့ တစ်ကိုယ်ရေ အထီးတည်းဖြစ်မှုကို သဘောကျတယ်။ နောက်ပြီး သူက ရယ်စရာလဲ ကောင်းသေးတယ်။

မေး
ကဗျာလောကအတွင်းမှာ ရှင်ဟာ အပြင်လူတစ်ယောက် အနေနဲ့ပဲ နာမည်ကြီးတယ်။ poet laureate အသစ်တစ်ယောက် ဖြစ်သွားတာဟာ ဒီနာမည်ကို အရောင်စွန်းသွားစေမယ်လို့ ထင်သလား။

ဖြေ
ကျမက အခြားလူတွေရဲ့ အထင်အမြင်တွေကို သိပ် အလေးထားလေ့မရှိဘူး။ တစ်ခုတော့ ရှိတာပေါ့လေ။ သူတို့ဆီက အကောင်းမြင် ဝေဖန်မှုတွေက လွဲလို့ပေါ့။ ဒီသတ္တဝါလေးက အမြှောက်ကြိုက်သလို အထင်သေးတာကိုလဲ မုန်းတတ်တာ အသေအချာပေါ့။ ဒါပေမယ့် ဒီ poet laureate နာမည်ဟာ ကျမရဲ့ အရေးအသားနဲ့ ပတ်သတ်ပြီး ဘာမှ စွက်ဖက်လိမ့်မယ်လို့ မထင်ပါဘူး။ စာရေးခြင်းက သူ့အလုပ်သူ သပ်သပ်လုပ်သွားမှာပါ။ သူ့ကိုယ်သူလဲ နားထောင်ပြီးတော့ပေါ့။

နိုင်ငံတော်ကဗျာဆရာဆိုတာကို ရပြီးတဲ့နောက်မှာ ကဗျာတွေ မရေးဖြစ်ဘူး။ အချိန်လဲ မရဘူးဆိုတော့။ ကဗျာရေးရလောက်တဲ့ စိတ်ရဲ့ လွတ်လပ်မှုလဲ မရှိနေဘူး။ ဒါပေမယ့် ဒါဟာ နောက်ပိုင်းမှာ ကဗျာတွေရေးဖြစ်ဖို့ကိုတော့ ရိက္ခာအနေနဲ့ ပေးပါတယ်။

မေး
laureate တစ်ယောက်ရဲ့ အလုပ်က ကဗျာဖတ်တဲ့ ပြည်သူတွေဆီ ကဗျာရဲ့ အရေးပါမှုကို လက်ခံယုံကြည်စေဖို့ တိုက်တွန်းရမယ်လို့ ထင်သလား။

ဖြေ
ကျမကို စိတ်လှုပ်ရှားစေတာက ကဗျာရဲ့ အချည်းနှီးဖြစ်မှုပဲ။ မျှော်လင့်ချက်မဲ့မှု။ ဒီလို အရေးပါမှုအကြောင်း ပြောနေကြတာဟာ ရုတ်တရတ် ကျမကို အကူအညီပေးနိုင်တဲ့ အသက်မွေးဝမ်းကျောင်းမှုတစ်ခု အတင်းအဓမ္မ လုပ်ခိုင်းနေသလိုပဲ။ စကားပြေ (prose) ဟာ လက်တွေ့ဆန်တဲ့ ဘာသာစကားတစ်ခုပါ။ စကားပြော (conversation) ဟာလဲ လက်တွေ့ကျတဲ့ ဘာသာစကားပဲ။ အသုံးကျတဲ့ အလုပ်တွေကို သူတို့တွေကိုပဲ ကိုင်တွယ်ခိုင်းလိုက်ပါ။ ဒါပေမယ့် ကဗျာမှာလဲ သူ့ရဲ့ ဆေးဖက်ဝင်မှုတွေရှိတာပဲ။ ကျမတို့ရဲ့ အထီးကျန်မှုကို နည်းနည်းဖြစ်ဖြစ်တော့ လျော့စေတယ်။ ကျမတို့ စိတ်ထဲမှာ အခန်းလွတ်တွေ ပိုပြီးရှိလာအောင် ဖန်တီးပေးတယ်။ ဒါပေမယ့် ကဗျာနဲ့ သူ့ရဲ့ အသုံးဝင်မှုအကြောင်းကို အတူတကွ စဉ်းစားရတာဟာ မဝံ့မရဲဖြစ်စရာပါပဲ။

မေး
ကဗျာတစ်ပုဒ် အောင်မြင်တယ် မအောင်မြင်တယ် ရှင်ဘယ်လို သိသလဲ။

ဖြေ
ကျမ စိတ်ကသိကအောက် မဖြစ်တဲ့အချိန်ဆိုရင် သိပါလိမ့်မယ်။

မေး
ရှင့်ကဗျာတွေကို နားမလည်ဘူး ဆိုသူတွေကို ရှင်ဘာများ ပြောချင်ပါလဲ။

ဖြေ
နာမည်ကြီး ပန်းချီဆရာတစ်ယောက်။ ပီကာဆိုလို့ ထင်တာပဲ။ သူကပြောတယ်။ သူ ဘယ်သူဆိုတာ ဘယ်သူမှ မသိခင် သူဘာလုပ်နေတယ်ဆိုတာကို လူခြောက်ယောက်သာ နားလည်ကြတယ်။ သူ့နာမည်ကို လူသန်းနဲ့ချီပြီး သိချိန်ရောက်တော့လဲ ဒီလူခြောက်ယောက်က နားလည်နေဆဲပဲ။ လူအများ သဘောကျထောက်ခံမှုနဲ့ ရေပန်းစားမှုဟာ သူ့ကို ဖြားယောင်းမှု သိပ်မရှိဘူး။ နောက်ပြီး ဒီလိုဖြစ်ဖို့ဆိုတာ အယူအဆ အမှားတစ်ခုသာ ဖြစ်ပါလိမ့်မယ်လို့ သူက ပြောတယ်။

မေး
ရှင် ခက်ခဲတဲ့ ကဗျာတွေကို ရေးလေ့ရှိလား။

ဖြေ
ခက်ခဲတယ်ဆိုတာ ကျမအတွက်တော့ ဖရိုဖရဲ ရှုပ်ယှတ်ခတ်ပြီး မသဲကွဲတာကို ပြောတာပဲ။ ကဗျာတစ်ပုဒ်ကို အလွယ်တကူ နားလည်အောင် မရှင်းနိုင်တာလောက် ကျမကို စိတ်ရှုပ်စေတာ မရှိဘူးရယ်။ ဒါပေမယ့် မှန်ပါတယ်။ ကဗျာဟာ ခက်ခဲပါတယ်။ ကဗျာရေးတယ်ဆိုတာ ငါးဖမ်းပိုက်တစ်ခု ယက်လုပ်သလိုပဲ။ ပိုက်ကွန်ကို ရှင် ယက်လို့ရမယ်။ ဒါပေမယ့် ငါးမိမမိ ဆိုတာကိုတော့ ရှင် စောင့်ပြီး ကြည့်မှ ရလိမ့်မယ်။


ဖြူနှင်းဖွေး
April 23rd, 2013

သူမရဲ့ ဘာသာပြန် ကဗျာအချို့ကို အောက်ကလင့်ခ်တွေမှာ ဖတ်လို့ရပါတယ်။

နိုင်ယာဂရာမြစ်
မိကျောင်းမျက်ရည်
မင်းလုပ်ခဲ့သမျှ
ငါတို့ ဘာကြောင့် ရုန်းကန်ကြရ
ပင်လယ်လိပ်
တိမ်တိုက်
လှေကားတစ်စင်းကို သယ်ဆောင်၍
မျှော်လင့်ချက်များ






ဖြူနှင်းဖွေး ဖေဘုတ်မှ ကူးယူသည်